Mga Hindi Tuwid na Karera: Uri, Kahalagahan, at Halimbawa

Masasabing kakaiba ang potensyal ng mga tao pagdating sa pagkayod sa araw-araw.

Tanungin mo sila’t hindi sila tatanggi dahil “alam nilang kaya nila ang isang gawain.” Gayunpaman, tila nakatutok pa rin ang karamihan sa tradisyunal na antas ng paghahabi ng sariling karera mula sa pag-aaral, pagpili ng strand, kurso, at paghahanap ng nais na trabaho.

Sa kabila nito, hindi nagtatapos ang tyansa na makakamit ng posisyon na maaaring makatulong sa kanila upang simulan ang kanilang karera, at sila ay partikular na may hindi tuwid na uri ng paghahanapbuhay.

Ang pagtahak mo sa iyong karera ay tipikal na mga hakbang na tumutulong sa iyong lumago.

Ngunit sa hindi tuwid na karera, binibigyan ka nito ng daan upang tahakin ang mga oportunidad na makakakuha sa iyong interest at potensyal.

Ito ay tumutukoy sa pagtungo sa iba’t ibang direksyon ng trabahong nais mong galugarin sa loob ng matagal na panahon.

Subukan mong makipag-ugnayan sa mga taong may hindi tuwid na karera at makikita mo ang iba’t ibang rason, Una, sa kanilang edad, sila ay nakakaramdam pa rin ng pagkasabig na dumiskubre ng kanilang kasanayan o kakayahan.

Maaaring humahanap din sila ng kalikasan na sa tingin nila’y higit na makatutulong sa kanila na lumago. Ang iba nama’y higit na nagiging praktikal o di kaya’y gustong sundin ang kanilang mahal na gawain o libangan.

Saad ng World Economic Forum na papalitan ng automation ang 85 na milyong trabaho sa buong mundo, ngunit binanggit na bubuo ang teknolohiya ng 97 na milyong trabaho para sa mga tao.

Kung ikaw ay nagtataka paano nagagawa ng ibang manggagawa ang pumasok sa ganitong uri ng landas, tandaan ding nakakaranas sila ng mga mabuti at di maburing dulot dito.

Mga Kalamangan

Para sa mga kalamangang dapat mong mabasa:

Personal na paglago

Totoong hindi maitatanggi na ikaw ay makakaramdam ng personal na paglago sa pagsabak sa ganitong uri ng karera. Dito mo rin matutuklasan sa iyong sarili na ikay ay may natatago pa palang kakayahang pwede mong gamitin sa iyong pag-unlad sa trabaho.

Nadagdagang pag-angkop sa trabaho

Mayroong mga trabahong kumakailangan ng ibang kasanayan lalo na kung ito ay pangkalahatan. Sa ganitong kondisyon, hindi ka lamang magiging maalam, madaragdagan din ang iyong pagiging produktibo.

Pagkakaroon ng magkakaibang karanasan

Kung ikaw ay may hangaring aralin at matutunan lahat ng posisyong iyong inaasam, isang oportunidad ito para mahasa ang iyong kakayahan, at magamit sa iyong karera.

Maaaring ikaw ay magaling sa IT pero may potensyal ka pala sa SEO, at nais mong subukan ang karerang ito.

Pagpapalaki ng iyong network

Sa pagtahak sa hindi tuwid na landas ng karera, lalago rin ang bilang ng iyong koneksyon sa maraming organisasyon o grupo. Mula rito, pwede silang maging sanggunian para magbukas ng ibang trabaho na nais mong pasukin.

Hindi Mabuting Dulot

Sa pagkakaroon ng kalamangan, hindi rin mawawala ang mabuting dulot nito:

Mas kaunting katatagan

Tunay na hindi matibay ang iyong pundasyon kung ikaw ay papalit-palit ng nais na posisyon. Bukod sa maaaring kaunti lamang ang iyong matutunan, hindi rin ito matatag na makatutulong para makita ng kompanya ang tunay mong potensyal sa pagtatrabaho.

Mas pipiliin ng ilang hiring manager ang isang taong may “standard” na tahakin sa karera

Sa panahon ngayon, mas mataas na ang “standard” ng mga kompanya o organisasyon. Mas gusto nilang tumanggap ng aplikanteng may ilan taon nang pagseserbisyo o karanasan sa trabaho.

Ngunit, mayroon din namang mga kompanya nagtitiwala nang wagas kahit na wala pang karanasan ang isand indibidwal.

Kaya sila tumitingin sa taong may “standard” na tahakin sa karera ay dahil nais nilang higit na maging madali ang operasyon ng kanilang bawat proyekto at gawain.

Limitadong lalim ng kasanayan

Ang paiba-ibang landas ng karera ay magtutulak sa iyong magkaroon ng mas mababang pokus o konsentrasyon upang palaguin ang iyong sariling kakayahan. Dahil gusto mong masubukan lahat, hindi mo napapansing lumalayo ka na pala sa tunay mong hangarin.

Kahirapan sa pagbuo ng isang malinaw na tilapon ng karera

Gustuhin mo mang maging mahusay sa lahat ng aspeto, hindi ito maaari sapagkat pababagalin lamang nito ang iyong progreso.

Mahihirapan ka ring magkaroon ng malinaw na tilapon ng karera dahil wala kang matatag na pundasyon ng pagpapasya kung saan mo nais paghusayin pa ang iyong kakayahan.

Kahirapan sa pagbuo ng isang reputasyon

Bukod sa malabong tilapon ng karera, magiging matumal din ang paglikha mo ng iyong pangalan sa industriya. Maaari itong magbigay sa iyo ng kalituhan dahil ikaw ay walang sapat na katatagan upang magpokus sa iyong landas na gustong tahakin.

Ang iyong pagpipilian ay walang katapusan. Magsaliksik ka lamang sa iyong social media, at may pupukaw na sa iyo ng atensyon.

Halimbawa nito ay maaari kang magsimula bilang isang clerk sa opisina, ngunit nakita mo ang iyong sarili na magaling sa event management o production management.

Napansin mo ring mahusay ka pala sa finance dulot na nakuha ng iyong interes kung paano ang tamang pagbabadyet sa produksyon.

Walang masama kung hindi mo susubukan. Iyan ang palaging linya ng karamihan. Wala ring masama kung sa iyong proseso ay may pagdadalawang-isip na nararamdaman, dahil ang pagbuo ng karera ay hindi isang pitik lamang.

Popular jobs in Philippines:

Virtual Assistant | WFH Call Center | Remote Customer Service | Marketing Communication Specialist | Account Manager | Data Engineer | UI/UX Designer | Accountant | Software Engineer | App Developer | Mobile Developer | Project Coordinator | Technical Support