Paano Kumuha ng Unang Trabaho sa Digital Marketing nang walang Karanasan?

Kung ikaw ay wala pang karanasan para maging isang ganap na bahagi ng negosyong ito, nagtala ang Epicareer ng ilang rekomendasyon:

Bumuo ng pundasyon ng kaalaman

Para maging digital marketer, kailangang bumuo ng matibay na pang-unawa sa konsepto at pagsasanay ng digital advertising. Mas maigi kung ikaw ay may pormal na edukasyon o sertipikasyon para sa mga iba’t ibang klase ng espesyalisasyon. Makakatulong din ang panonood ng mga tyutoryal, blog, mga thread, at iba pang libreng sanggunian para sa iyong pagkatuto.

Magsimulang matuto kung paano gumawa ng content

Mayroon mga bidyo o tyutoryal ang makapaggagabay sa iyo gumawa ng nilalaman. Kung nangangamba kang baka sa umpisa ay mali ang mga hakbang na ginagawa mo, tandaang walang magaling kaagad sa simula.

Kung gusto mong maging SEO, bumuo ng isang website/blog

Para maging isang SEO, ang paglikha ng mga dekalidad na nilalaman ay kinakailangan para sa mas mataas na resulta ng mga ranggo online. Maaari mong aralin ang mga kasanayan kagaya ng mga sumusunod para makapagsimula ka sa iyong pagsulat ng blog.

1. Link building

2. Pagsulat

3. Algoritmo

4. Pag-aanalisa ng datos

5. Pagpapasya

6. Paggamit ng mga kagamitan ng SEO

7. Pagsasaliksik ng keyword

Kung gusto mong maging Social Media Specialist, gumawa ng content sa socials

Mataas na kumpyansa ang kinakailangan para maging Social Media Specialist. Maaari mong subukan ang pagpapaskil ng mga imahe, bidyo, o blog sa iba’t ibang plataporma habang gumagamit ka ng navigator para makita ang algoritmo nito base sa impresyon nga mga nakakita.

Nagmemerkado sa pagganap? Subukang magbenta ng isang bagay sa internet, gumamit ng mga ad

Madalas sa atin, nagsisimulang magmerkado sa mga kilalaning aplikasyon kagaya ng TikTok, Facebook, Instagram, at X. Sa ganitong kalagayan, pwede kang gumamit ng mga ad upang ito ay lalong kumalat o mapalaganap sa ibang kustomer o mamimili, at dito mo makikita ang sukat ng interes nila.

Para mapatunayan ang tunay mong potensyal sa iyong tagapamahala, kailangan mo nang nakakaengganyo at nakakapanabik na presensya sa online at iyong personal na brand. Kung wala ka pang karanasan, narito ang mga suhestyon:

Tulungan ka ng pamilya at mga kaibigan

Ang pinakamalalapit na tao ang s’yang una mong pwedeng maging kliyente, libre man o may bayad. Maaari kang mag-alok ng iyong serbisyo sa mga kaibigan at kamag-anak, tanungin ang kanilang kailangan upang mapalaganap ang kanilang negosyo, at gumamit ng mga kagamitan para higit itong mapabilis.

Magboluntaryo

Ang pagboboluntaryo ay isang epektibong hakbang para makilala ang iyong kakayahan sa digital marketing. Kung sino man ang iyong makasalamuha, dito palang, makakabuo ka na agad ng iyong network dulot na ikaw ay hindi nagsasara sa mga oportunidad sa iyong paligid.

Lumikha ng portpolyo

Ang pagbuo ng portpolyo ay hindi lamang pagbibigay introduksyon sa sarili. Isa rin itong pagbabahagi sa iyong mga ipinamalas na kasanayan, at natamong karanasan bago sumalang sa iyong paglalakbay bilang isang digital marketer.

Bumuo ng personal na brand

Ang paglikha ng personal na brand ay maaaring maproseso para sa iyong baguhan, ngunit dito mo rin matutuklasan na ang mga propesyonal na may matataas ng rating sa kanilang mga plataporma ay nagsimula ring ibenta ang kanilang potensyal sa merkado.

Bukod sa pagbuo ng mga proyekto at portpolyo, maging tunguhin mo rin ang pumasok sa mga programa ng internship o entry-level na mga trabaho.

Isaalang-alang ang mga kaugnay na trabaho upang maipasok ang iyong paa sa pintuan

Ang entry-level na posisyon ang pinakaunang trabaho sa iyong karera. Hindi tulad sa mga senyor na trabaho, hindi naghahanap ang kompanya ng may maraming taon nang pagseserbisyo. Mula rito, pwede mong ikonsidera ang mga kaugnay na trabaho para magamit mo ang iyong mga nasanay na kakayahan.

I-personalize ang iyong resume at portfolio

Ang resume at portpolyo ay isang pagkakataong mapangibabaw ang iyong halaga para ikaw ay tanggapin ng kompanya. Ngunit, hindi lahat sa kanila ay nangangailangan ng pare-parehong posisyon; ito ay depende sa kasanayang kanilang hinahanap, at kung sa tingin mong ito ay konektado sa iyo, maaari mong ipasa ang iyong dokumento.

Maging mahusay sa pakikipanayam

Paghandaan ang iyong interbyu kung sakaling ikaw ay makatanggap ng imbitasyon mula sa kompanyang nag-aalok ng digital marketing na trabaho. Siguruhing totoo ang mga potensyal na mayroon ka, nakapagsaliksik sa kanilang kompanya, malinaw ang deskripsyon sa in-apply-an, at may sapat na preparasyon.

Para makatapak sa unang mong trabaho sa digital marketing, siguraduhing ikaw ay mayroong network, online man o personal. Pwedeng makisalamuha ka sa mga digital marketing associate, at maraming plataporma na pwede mong bisitahin palagi katulad ng Facebook, X, at LinkedIn.

Katulad ng ibang trabaho, mayroon ka ring mga bagay na dapat asahan patungo sa unang propesyonal na trabaho.

Walang katapusang pag-aaral

Malinaw na kapag pinasok mo ang landas na ito, kailangan mong hasain ang iyong mga kasanayan upang maging mas epektibo ang iyong pagtatrabaho. Patuloy kang mag-aral, manood ng mga bidyo ng mga ekspert, dumalo sa mga webinar o seminar, o kumuha ng mga digital na sertipikasyon.

Maraming pananaliksik

Hindi natatapos ang pagtatrabaho sa mga nakagawian mo nang gawain. Kinakailangan mo pa ring maglaan ng panahon upang magsaliksik ng iba pang potensyal o impormasyong makatutulong sa iyong trabaho. Pwede ka ring magbasa ng mga testimonya para nang sa gayon ay mayroon kang batayan.

Walang katapusang resume at pagsadya ng portpolyo

Sa mundo ng pagtatrabaho, ang resume at portpolyo ang iyong mga sandata sa pagbebenta ng iyong sariling abilidad sa mga kompanya at organisasyon. Palagiing mag-update nito upang hindi mo makalimutan ang mga impormasyon tungkol sa iyo, at maging sunod sa uso base sa trends ng digital marketing.

Pagsisimula ng mga proseso ng pagbuo

Ang isang kasanayang kailangan mong buksan ay ang pagiging organisado. Maaari kang maglaan ng oras sa pagpaplano, pagbabalangkas, at paggawa ng mga ito upang magtuloy-tuloy ang iyong pag-usad.

Para sa iba pang tips sa iyong wala pang karanasan sa digital marketing, isaalang-alang mo rin ito:

Isaalang-alang ang iyong mga naililipat na kasanayan

Huwag baliwalain ang iyong mga nalilipat na kasanayan. Ito ang magdadala as iyo mula sa isang trabaho tungo sa iba pang trabaho. Maaari itong maging matibay o malambot na kasanayan, at napagtanto mo man o hindi, malamang na taglay mo na ang ilan sa mga kasanayang kailangan mo para gawin ang iyong susunod na trabaho, kahit na hindi ka pa nagtrabaho sa larangan noon.

Magpatotohanan

Maaari kang humingi ng suporta mula sa iyong mga karakter na sanggunian upang mapatunayan na buo, kalidad, at matibay ang iyong potensyal para sa trabaho ng digital marketing.

Huwag huminto

Importanteng mapahalagahan mo ang iyong sinimulan, nang sa gayong magkaroon ka ng motibasyon na magpatuloy sa iyong trabaho. Kung ito ay pinasok mo lang dahil uso para sa marami, maaari mo itong pag-isipan kung itong trabaho ay nararapat sa’yo talaga.

Panatilihin ito at suriin ang iyong mga taktika

Bukod sa pagpapanatili ng iyong nasimulan, palaging magkaroon ng pag-ebalwasyon sa sarili upang higit na mapalawak ang iyong taktika sa larangan ng digital marketing. Tingnan din ang iyong mga likas na kalakasan at kahinaan nang sa gayon ay matimbang mo ito para sa pangmatagalang pagtatrabaho.