Mga Paraan para Matagpuan ang Tamang Karera

Sa murang edad, madalas mong tanong sa iyong sarili kung ano nga ba ang pangarap na gusto mong abutin sa tamang panahon.

Kapag tinanong ka ng ibang tao, partikular na ang iyong mga magulang, nariyan din ang samu’t saring suhestyon o komento na maririnig mo sa kadahilanang ang bagay na iyon “daw” ang makakapagpaganda ng buhay o makakaahon sa hirap.

Marahil ay may iba sa inyong nagpasyang kumuha ng programa o kursong nakaugnay sa nais ng iyong ama o ina, dahil maaaring hindi nila ito nakamit noong sila’y bata pa.

Sa ibang banda, maaaring nariyan din ang kaba na ikaw ay hindi sadyang naikukumpara sa iba, sanhi upang magkaroon ng presyur sa sarili na ito ang landas na tunguhin.

Bukod dito, marami pang ibang dahilan bakit ang isang tao ay nahihirapang hanapin ang kanyang nais na karera.

▶ Basahin din: Mga Pamamaraan upang Ipakilala ang Iyong Sarili sa Isang Interbyu

Ang tamang pagpili ng karera na nais mong tahakin ay importanteng hakbang pagkatapos ng iyong edukasyon.

Ito ay desisyon na kailangan mong isaalang-alang, ngunit minsan, hindi naiiwasan ang mga problema na nagiging sanhi upang hindi masunod ang iyong nais.

Walang Sapat na Pera

Ang kakulangan sa pera ang isa sa pinakapangunahing sanhi kung bakit mas pinipili ng mga tao ang maghanap ng praktikal na trabaho.

Sa pagtapos ng kanilang pag-aaral, nauuwi ang karamihan sa trabahong hindi nakalinya sa kanilang kinuhang kurso, dulot na kailangang makaipon o walang sapat na pera para piliin ang sariling karera.

Kulang sa Paggabay

Ang gabay ay hindi lamang nagmumula sa bahay o sa eskwelahan, ito rin ay nanggagaling sa mga tao o grupong nakakasalamuha o pinapakisamahan.

Sa pagtahak mo ng iyong landas, mahirap ang magiging proseso mo kung matatakot kang humingi ng payo mula sa mga indibidwal na mayroon nang karanasan.

Pagsunod sa Gusto ng Ibang Tao

Kadalasan, ang tanging pagsunod sa gusto ng ibang tao ang nagiging pinakamalaking problema upang itigil ang nasimulang karera.

Marahil sa takot na sasabihin nila, hindi natin naikokonsidera ang ating sariling desisyon.

Pagkatakot na Bumagsak

Isa sa pinakamahirap na maaaring kaharapin ng isang indibidwal ay ang pagtamo ng pagbagsak. Hindi ang karamihan na mabigo sa unang pagkakataon na sumubok, kaya naman, iniiwasan din nila ang sumubok ng mga panibagong bagay na makatutulong sa kanilang karera.

Hindi maiiwasan ang pagkabigo, subalit, mayroon din namang mga pamamaraan upang matamo ang ninanais mong tagumpay sa iyong karera.

Mahalagang mayroong balangkas o bisyon ang isang nilalang upang mahanap ang karerang kanyang inaasam.

Narito ang ilang hakbang na maaari mong ikonsidera upang matagpuan mo ang iyong tatahaking landas:

1. Kilalaning higit ang sarili

Ang karerang iyong tatahakin ang magiging hagdan ng iyong pangmatagalang estado sa buhay. Ito ang magdidikta ng iyong kaligayahan at pagiging kuntento.

Bago iyan, higit na kailangan mong kilalanin ang iyong sarili. Maari mong isipin ang mga sumusunod na ideya:

• Ano ba talaga ang iyong nais paglaki o pagtanda?
• Mayroon ka bang malakas at malambot na kakayahan?
• Alin sa iyong mga abilidad ang madalas punahin ng mga taong nasa iyong paligid?
• Nasubukan mo na bang suriin ang iyong sarili?

2. Magsaliksik ng mga karerang maaari mong subukan o pasukin

Sa paghahanap ng karera, tinuturuan ka rin nitong galugarin ang iba pang oportunidad na naghihintay sa iyo. Kaya’t mahalagang kilala mo ang iyong sarili, upang masiyasat mo rin ang iyong potensyal at matuklasan ang iyong kalakasan at kahinaan.

Sa pamamagitan nito, mailalapat mo sa iyong listahan ang mga karerang maaari mong subukin o pasukin matapos ang mahabang proseso ng pagpaplano at pagpapasya.

3. Isaalang-alang ang mga personal na kondisyon

Habang gumagawa ka ng iyong pangalan o reputasyon, nararapat na isaalang-alang mo rin ang mga sirkumstansyang nakapaligid sa iyo. Maaari mong ikonsidera ang tunay mong hilig, mga abilidad, libangang madalas mong ginagawa, at buhay na iyong nakagisnan.

Bukod pa rito, kailangan mo ring isaalang-alang ang benepisyong matatamo mo sa karerang iyong papasukin. Kailangan mong tingnan kung ito ba ay makatutulong sa iyo para magtamo pa ng mas maraming oportunidad sa hinaharap.

4. Bumuo ng plano para sa iyong karera

Sa pagbuo ng pundasyon para sa iyong karera, hindi ito isang pitik lamang na makukuha; kailangan mo itong pagplanuhan. Bagaman, hindi pare-pareho ang landas o progreso ng bawat isa, maaari mong alamin ang susunod mong hakbang bago ang panibagong tunguhin

Maaari kang magdesisyon base sa iyong personal na kondisyon. Kung nakapagtapos ka na ng edukasyon, nakakakuha ng nasyonal na pagsusulit, nakakamit ng sertipiko sa isang programa, pwede mo nang ikonsidera ang susunod na hagdan ng iyong karera:

• Magsaliksik na mga potensyal na trabaho
• Kumpletuhin ang mahahalagang dokumento na maaaring hanapin para sa iyong kwalipikasyon sa trabaho kagaya ng resume o curriculum vitae, diploma, sertipiko ng pagtatapos, talaan ng grado, at marami pang iba
• Ihanda ang iyong sarili sa pagsagot ng pagsusulit at pakikipanayam ng kompanya
• Isaalang-alang din ang saklaw ng sahod at benepisyo
• Bumuo ng talaarawan.

5. Pagpasyahan ang karerang makapagdudulot sa’yo ng kasiyahan

Sa ating karera, importanteng saklaw rin nito ang ating kaligayahan.

Mahalagang hindi tayo nakalilimot sa ating sarili at kung ano ang mabuti sa ating kalusugang pangkaisipan. Kailangan din nating makita kung ang karera na ito ay nararapat para sa atin o hindi.

6. Maging handa sa mga hamong kakaharapin

Hindi palaging panalo sa pagkamit ng iyong tunguhin sa buhay. Sa paghahanap ng iyong karera, asahan mong may mga balakid ding naghihintay kagaya ng kakulangan sa pinansyal o badyet, problema sa pamilya o sarili, nakalalason na kapaligirang nakakaapekto sa iyong kalusugang pangkaisipan, emosyonal, at pisikal, at pagtatalo ng iyong desisyon.

Sa mga ganitong uri ng hakbang o pamamaraan, maaari mong makamit ang ninanais mong landas para sa iyong sarili. Ang bawat karera ay hindi isang guhit lamang, ito ay pinaghahandaan.

▶ Basahin din: Nangungunang 10 na mga Kumpanya ng Virtual Assistant na may Malaking Benepisyo

At para sa mas marami pang plano na maaari mong gawain, magsuskribi lamang sa Epicareer, upang makatanggap ng marami pang notipikasyon sa paghahanap ng iyong karera.

Popular jobs in Philippines:

Virtual Assistant | WFH Call Center | Remote Customer Service | Digital Marketing Specialist | Sales Representative | IT Engineer | Graphic Designer | Accountant | Software Developer | Data Analyst | Project Manager | Product Manager | IT Technical Support