Nangungunang 10 na mga Kumpanya ng Virtual Assistant na may Malaking Benepisyo

Ilan sa mga benepisyong maaari mong makuha bilang VA ay ang mga sumusunod:

Balaseng buhay at trabaho

Ang pagiging virtual assistant ay hindi lamang makapagbibigay sa iyo ng trabaho. Bibiyayaan ka rin nito ng sapat na oras upang asikasuhin at alagaan mo ang iyong sarili ng walang presyur. Maliban pa rito, tila wala kang hahabulin dahil hawak mo ang iyong oras.

May kalayaan na magtrabaho kahit saan

Magkakaroon ka ng layang magtrabaho kahit saan mo gustuhin kapag ikaw ay isa nang ganap na virtual assistant. Kung ikaw man o kayo ng pamilya mo ay lakad, kahit nasa byahe ka pa, o nasa beach at bakasyon, kayang-kaya mo itong gawin.

Iba’t ibang kasanayan

Isa ito sa kalamangan kung ikaw ay isang virtual assistant. Marami kang matutunan na kasanayan hindi lamang sa klerikal na gawain kundi ang pamamahala rin ng iba pang teknikal na abilidad ay magagawa mo rin.

Kakayahang magtayo ng negosyo

Isa marahil ang benepisyong ito sa hindi pa nasusubukan ng mga empleyadong virtual assistant. Ngunit mayroon din namang nagtatagumpay na makapagtayo ng sariling negosyo na kaugnay rito.

▶ Basahin din: Sa Trabaho, Alin ang Nararapat na Piliin? Pera o Hilig?

Kung naghahangad ka maging virtual assistant, narito ang limang kinakailangang kasanayan na dapat mong matutunan at sanayin sa iyong preseso:

Kasanayan at mga Serbisyo

Tasahin mo ang mga serbisyo at potensyal mong kakayahan na kaya mong gamit ay iambag sa iyong kumpanya o kliyente. May iba’t ibang uri ng pangangailangan silang hinahanap at hindi mo maaaring ipilit ang iyong sarili, lalo’t higit kung hindi ka naman totoong maalam sa industriyang nilalakaran nila.

Pagkuha ng Kliyente

Maliban sa matitigas at malalambot na kasanayan, kailangan mo rin ang maayos at sistematikong kapasidad sa pagkuha o paghahanap ng kliyente. Maaari mong isaalang-alang ang mga metodo katulad ng networking, pagpapaskil sa onlayn, at referral.

Bihasa sa Paggamit ng Teknolohiya

Sa kasalukuyan, mas hinahanap ng mga kumpanya o kustomer ang pagiging bihasa ng isang virtual assistant sa paggamit ng teknolohiya. Kung maalam ka rito, mas malaki ang kalamangan mong makakuha o matanggap sa posisyon ito, lalo na kung ikaw ay matalino sa paggalaw ng iba’t ibang elemento nito.

Magaling Makipag-ugnayan

Para sa mas epektibo at episyenteng virtual assistant, ang kasanayan sa pakikipag-ugnayan ay isang hakbang para makuha ang trabahong ito. Kung ikaw ay magaling magbenta ng iyong produkto o serbisyo, mas higit silang magtutuon ng atensyon at oras sa iyo.

Balanseng Paghawak ng Oras

Ang pagtatrabaho bilang virtual assistant ay kinakailangang marunong na humawak ng oras. Mula rito, kailangan mong balansehing ang paghawak ng maraming proyekto, mga nakatakdang araw o oras, at iba-ibang time zone. Ang paggamit ng mga kasangkapan sa pagiging produktibo ay benepisyal para manatiling maging organisado.

1. Boldly

Ang Boldly ay isang premium subscription staffing na kumpanya na nakabase sa UK at US. Sila ay may mga talentadong executive assistant na magiging tulay para sa sa mga kliyente na maiwasan ang abala sa pagre-recruit at ang mga gastos na nauugnay sa pagkuha ng mga empleyado.

2. Belay

Isa sa mga sikat na birtwal na kumpanya ay ang Belay, at ito ay matatagpuan sa Atlanta, Georgia na mayroong 1, 200 na miyembro sa 48 na mga bansa.

Ang kanilang mga virtual assistant ay mayroong mahigit limang taong karanasan at tumutulong sa plano para sa paglalakbay, paghawak ng kalendar, pananaliksik sa mga proyekto, at paghawak ng social media.

3. Zirtual

Parte ng plataporma ng Startups.com ang Zirtual at sila ay humahawak ng mga virtual assistant na karamihan ay kolehiyong mag-aaral.

Sila ay nag-aalok ng serbisyo sa paghahanap ng reserbasyon para sa paglalakbay, pag-i-iskedyul, pananaliksik, at pag-invoice.

4. Prialto

Ang organisasyon ng Prialto ay matatagpuan sa Portland, ngunit sila ay nakikipag-ugnayan sa mga Ingle na miyembro sa Asya at Gitnang Amerika.

Ang kanilang serbisyo ay kadalasang umiikot sa digital marketing, benta, operasyon, at mga gawaing administratibo. Ipinagmamalaki ng Prialto ang higit sa 10 taon sa negosyo na may higit sa 1 milyong oras ng propesyonal na suporta. Namumuhunan din sila sa pagsasanay at patuloy na edukasyon para sa kanilang mga VA.

5. Fancy Hands

Ang Fancy Hands ay nakatutok sa mga personal virtual assistant. Samantalang ang kanilang organisasyon ay nakabase sa US, at ang sentral nilang ibinibigay na serbisyo ay pag-i-iskedyul, pananaliksik, paggawa ng tawag, at personal na pamimili.

Pinakamahusay na gumagana ang serbisyong ito para sa mga kliyenteng nakakaalam kung ano ang gusto nila, o may mga partikular na kahilingan tulad ng pag-aayos ng paglalakbay o iba pang mga personal na gawain.

6. VA Staffer

Isa sa kalakasan ng kumpanya ng VA Staffer ay ang pag-aalok ng mga gawaing pang-administratibo, paghawak ng social media, pagsusulat ng iba’t ibang artikulo, at pagseserbisyo sa kustomer.

Mayroon din sila kakayahan sa pagkakalendaryo at paggawa at pagpaplano ng mga kaganapan.

7. WoodBows

Ang WoodBows ay ay isang birtwal na kumapnya na may mga opisina sa Pilipinas at India. Sila ay may espesyalisasyon sa bilingual na suporta.

Sila ay kumukuha ng mga virtual assistant na may isang dekada ng karanasan sa mga nauugnay na industriya, tinitiyak na mayroon silang kadalubhasaan sa paghawak ng mga gawain tulad ng pag-iskedyul ng mga appointment, pamamahala sa pananalapi, at serbisyo sa kustomer.

8. Ossisto

Isa sa pinakamagandang birtwal na kumpanya ay ang Ossito na nag-aalok ng iba’t ibang serbisyo sa pamamahala ng iba’t ibang proyekto, pagsusulat, mga pangangailangan ng mga kustomer, at pamamahala ng mga ulat at dokumento.

9. Virtual Staff Finder

Nakabase sa Pilipinas ang Virtual Staff Finder at ang kanilang mga virtual assistant ay nagtatrabaho at nag-a-asikaso rin ng social media, mga kaganapan, kalendaryo, email, at pag-o-organisa ng mga papeles at iba pang rekord.

10. Time etc

Bilang bihasa sa pamamahala ng kalendaryo, pagma-market, pananaliksik, at paglalagay ng datos, ang Time etc ay maaari mong pag-apply-an kung ilan ito sa iyong mga kasanayan o kakayahan.

Ang pagiging organisado at metikuloso ang iyong magiging pundasyon upang maging matagumpay bilang isang virtual assistant.

▶ Kaugnay na Artikulo: Pagsusulat ng Digital Marketing Resume

Nais mo nang magsimula?

Maglaan ka ng oras na aralin ang pagiging virtual assistant, at kung nakikita mo ito bilang iyong hinahanap na trabaho, tutulungan ka ng Epicareer sa iyong proseso at aplikasyon.

Popular jobs in Philippines:

Virtual Assistant | WFH Call Center | Remote Customer Service | Digital Marketing Specialist | Sales Representative | IT Engineer | Graphic Designer | Accountant | Software Developer | Data Analyst | Project Manager | Product Manager | IT Technical Support