Ang Pakikipagtulungan: Kahalagahan at Uri

Maraming uri ng trabaho ang kinakailangan ng bukas na pakikipagtulungan. Nagkakaroon ng pagkakaisa at relasyon ang mga manggagawa kung sila ay tumatanggap o nag-aalok ng tulong mula sa isa’t isa.

Ang kolaborasyon sa bawat grupo o departamento ng isang kompanya ay nagtutulak sa bawat empleyado na maging produktibo ang lahat. Sa ganitong sitwasyon, maaari mong ibahagi ang iyong sariling talento o kakayahan, ideya, at tunguhin upang maging matagumpay ang pakikipagtulungan.

Sinasabi natin madalas na maayos tayo kahit tayo lang ang nagtatrabaho para sa sarili natin, at hindi tayo humihingi ng tulong mula sa iba.

Ngunit, mahalaga rin na nakikita natin ang kaganapan sa loob ng ating opisina nang sa gayon, tayo ay makapag-alok o makatanggap din ng pakikipagkolaborasyon sa iba.

Natututo mula sa Ibang Indibidwal

Sa isip ng tao, “Ay! Magaling na ko kasi ganito o ganyan,” pero hindi natin nakikita ang kagalingan ng iba dahil nakapokus tayo sa sarili nating kakayahan.

Ang hindi natin alam, mayroon sa mga paligid natin ang may abilidad na maaaring kulang o wala tayo. Sa kanila tayo pwedeng matuto pa; sa kanila rin tayo pwedeng makatuklas ng mga natatago nating potensyal.

Tumataas ang pagiging produktibo

Kung tayo ay nakikipagkolaborasyon sa iba nating katrabaho, humigit na tumataas ang ating produktibo. Nagiging masidhi rin ang kagustuhan nating makatulong, makausad, at makatapos ng nakaatas na gawain sa atin.

Mas mabilis na paglutas ng problema

Sa pamamagitan ng kolaborasyon o pakikipagtulungan, hindi lamang iisang utak ang gumagana. Ang lahat ng miyembro ay may pagkakataong umusisa, mag-analisa, at lumutas ng suliraning inaasahan o hindi man inaasahan.

Lumikha ng isang positibong kapaligiran sa trabaho

Sa tulong ng kolaborasyon, bumubuo rin ito ng positibo at payapang kapaligiran sa trabaho. Nagiging bukas din ang komunikasyon ng lahat, at hindi nagkakahiyaang lumapit sa isa’t isa kapag may kailangan o may katanungan.

Pagtaas ng Inobasyon

Ang kolaborasyon ay isang kasangkapan para makaramdam ng inobasyon ang bawat manggagawa sa trabaho. TInutulungan nito na mag-isip ng labas sa kahon ang mga empleyado, at makatuklas ng bagong ideya upang maging matagumpay ang isang gawain o proyekto.

Mas masaya na mga koponan

Bukod sa malusog na kolaborasyon, nakalilikha rin ng masayang mga koponan ang mga empleyado dahil sa koneksyong kanilang nasimulan. Kahit sa magkakaibang gawain, naroon ang malulusog na kompetisyon at hindi nagkakapersonalan.

Napabubuti ang daloy ng trabaho

Dahil sa pakikipagtulungan, napabubuti rin nito ang daloy ng trabaho dahil nagiging sistematiko at magkakasuwato ang pagkakawang-gawa ng bawat isa.

Narito ang ilang karaniwang uri ng pakikipagtulungan na maaari mong makaharap bilang isang propesyonal:

Internal na Kolaborasyon

Ang panloob na pakikipagtulungan ay kapag ang mga indibidwal o grupo sa loob ng isang organisasyon ay nagtutulungan at nagbabahagi ng kaalaman.

Ang paghikayat sa panloob na pakikipagtulungan ay kapaki-pakinabang dahil ito ay nagtataguyod ng pagiging “bukas”, na tumutulong sa mga miyembro sa buong organisasyon na magbahagi ng impormasyon at mga ideya upang ituloy ang mga layunin at kumpletuhin ang mga gawain.

Eksternal na Kolaborasyon

Ang eksternal na kolaborasyon ay pagbabahagi ng kaalaman at pakikipagtulungan sa mga indibidwal sa labas ng organisasyon.

Maaaring gumamit ang mga organisasyon ng panlabas na pakikipagtulungan para sa ilang layunin na sumusuporta sa negosyo, tulad ng pangangalap ng komento, rebyu, o paglulunsad ng bagong produkto o inisyatiba.

Pagtutulungan ng Pangkat

Isa sa mga karaniwang uri ng pakikipagkolaborasyon ay ang pagtutulungan ng isang pangkat.

Ang mga organisasyon ay madalas na naghahati-hati sa mga manggagawa base sa kanilang mga departamento na batay rin sa kanilang mga obligasyon at responsibilidad.

Pakikipagtulungan ng Cross-Departmental

Ang cross-departmental ay isang uri ng panloob na pakikipagkolaborasyon kung saan ang indibidwal o grupo mula sa iba’t ibang kagawaran ay nagkakaisa at nagtatrabaho nang sama-sama.

Pakikipagtulungan ng Komunidad

Ang pakikipagtulungan ng komunidad ay pagsasama ng mga tao na may karaniwan o kaparehong interes. Madalas, sila ay may iisang tunguhin sa lipunan na maaaring matutunan at maibahagi ang kaalaman bukod sa pagtatapos lamang ng mga proyekto.

Birtual na pakikipagtulungan

Sa pakikipagtulungan sa birtwal, binibigyan nito ng permiso ang mga tao at organisasyon na magkaisa kahit na sila ay hindi magkakasama. Ito ay nagagamit kadalasan sa mga onlayn na lugar ng trabaho. Isang halimbawa ay mga opisina na gumagamit ng software o email para makapag-usap.

Pakikipagtulungan sa Network

Sa pakikipagtulungan sa network, maaaring makipagtulungan ang mga tao sa iba sa pagtugis ng mga indibidwal na layunin. Sa mga network na ito, maaaring umiral nang personal o sa pamamagitan ng mga digital na pormat, at ang mga miyembro nito ay maaaring hindi magkakilala nang personal.

Para sa mahusay na kolaborasyon, isaalang-alang ang mga sumusunod:

Magkusa sa pagbibigay ng update

Isa sa mga pinakaimportanteng bagay na dapat mong matutunan ay ang inisyatibong magbigay ng mensahe o update sa mga taong bahagi ng inyong gawain o proyekto.

Sa pamamagitan nito, magiging maalam ang iyong mga katrabaho sa mga kontribusyong iyong ibinahagi.

Maging bukas ang isipan

Sa pakikipagtulungan, hindi nawawala ang maliliit na argumento o diskusyon dahil sa iba’t ibang perspektibo. Sa ganitong lagay, panatilihing bukas ang iyong diwa sa lahat ng pagkakataon at magkaroon ng patas na pagtingin sa bawat pananaw ng iyong mga kagrupo.

Magtakda ng mga inaasahan sa bawat isa

Sa pakikipagkolaborasyon, mabuting magtakda ng mga inaasahan sa bawat isa nang sa gayon, ay maiwasan ang mataas o mababang pangangailangan. Maging maingat sa pagbibigay ng pangako sa iyong mga kagrupo upang magawa n’yo nang maayos ang trabaho.

Aktibong pakikinig

Pinipiga ng pakikipagkolaborasyon pagiging aktibong tagapakinig ng isang indibidwal sa trabaho. Bukod sa nagkakaroon ka ng sapat na impormasyon, hindi ka rin mapag-iiwanan.

Marunong makibagay

Sa pakikipagkolaborasyon, tinutulungan ka nitong makibagay sa iyong mga katrabaho o kagrupo sa isang organisasyon. Sa kabila ng magkakaiba ninyong pinanggalingan at personalidad, nagkakatagpo-tagpo pa rin ang inyong mga tunguhin at ideya dahil sa inyong pakikibagay.

Magtakda ng mga oras para sa team bonding

Bukod sa panloob na pakikisama at pakikipagtulungan, makisangkot din kung mayroong mga team building ang inyong organisasyon o pangkat, nang sa gayon, higit ninyong makilala ang isa’t isa. Magiging kasangkapan din ito upang mawala ang anumang ilangan o hiya na mayroon sa loob ng inyong grupo.

Magtakda ng mga layunin nang sama-sama

Kung mayroon mang mga nabubuong plano o panukala, siguraduhing kayo ay kumpleto. Sa ganitong kondisyon, maiiwasang isipin ng inyong mga kasama na kayo ay nagsasarili o namimili ng mga taong nais n’yong maging kabahagi.

Kung walang pagkakataon na magkatagpo sa isang lugar, maaari kayong magbahagi ng mga software o aplikasyon na kabilang ang lahat.

Mga software para sa pagbabahagi ng dokumento:

• Google Drive
• Dropbox
• WeTransfer
• Google Clo

Mga software sa pakikipagkomunikasyon:

• Slack
• Microsoft Teams
• Google Chat
• Messenger
• WhatsApp

Mga software para sa birtwal na pag-uusap:

• Zoom
• Microsoft Teams
• Google Meet

Kung sa inyong pagtutulungan nagiging magaan ang bawat gawain ng lahat, maging kaisa at makisama upang lumago rin ang kasanayan ng bawat isa!

Naghahanap ka ba ng trabaho? Hindi ka mahihirapan, dahil nandito na ang Epicareer.

Popular jobs in Philippines:

Virtual Assistant | WFH Call Center | Remote Customer Service | Digital Marketing Specialist | Sales Representative | IT Engineer | Graphic Designer | Accountant | Software Developer | Data Analyst | Project Manager | Product Manager | IT Technical Support