8 na mga Tip para sa Mas Epektibong Proseso ng Paghahanap ng Trabaho

Isa ka rin ba sa naguguluhan o nalilito kung paano mag-umpisa sa paghahanap ng trabaho?

Marami sa mga aplikante, estudyante man na malapit nang magtapos ng edukasyon, o kasalukuyang empleyado ng kompanya na balak lumipat o magpalit ng karera, o mga taong ngayon pa lamang nagdesisyon na magtrabaho ay hindi alam kung ano ba ang mga hakbang para magkatrabaho at kumita ng sweldo.

Marami sa atin ay pinapairal na ang pagiging praktikal, at biglang isang araw ay maiisip na gusto na nilang magtrabaho para mabili ang mga gusto, o makatulong sa pamilya.

Kung gayon, narito ang siyam na mga tip mula sa Epicareer para magkaroon ng epektibong paraan upang makahanap ng trabaho.

▶ Basahin din: Sa Trabaho, Alin ang Nararapat na Piliin? Pera o Hilig?

Isa sa pinakamahalagng bagay na dapat tandaan mo bilang isang aplikante at tao ay kilalanin ang iyong sarili, nang sa gayon, hindi ka mahirapan maghanap ng trabaho.

Kung alam mo ang iyong mga tunay na hilig, gusto, libangan, pati na iyong kalakasan at kahinaan, ito ay makakapagtulak sa’yong alamin din ang nais mong gawin para sa iyong trabaho.

Sa pamamagitan nito, hindi ka mahihirapan makiangkop sa kompanya o industriyang iyong papasukan.

Kapag sinabing malinaw na tunguhin, ito ay tumutukoy sa iyong target sa dulo ng iyong proseso ng paghahanap ng trabaho.

Maaari kang gumawa ng sarili mong Talaarawan upang doon ilathala lahat ng plano mo sa pag-a-apply.

Kung ikaw ay mayroong tunguhin, masisiyasat mo rito kung anong klase ng kompanya ang nais mo, uri ng trabaho na gusto mo, saklaw ng sweldo, kung ito ba ay may benepisyo o wala, malayo ba sa iyong tirahan o hindi, o sapat ba upang ikaw ay makaipon o mabigay ang iyong mga pangangailangan sa araw-araw.

Ang pagiging organisado ay isang malambot na kakayahan na makatutulong sa’yo upang higit na maging epektibo ang proseso ng paghahanap ng iyong trabaho.

Maaari kang maglaan ng ilang oras upang lumikha ng sistema na gagana upang isaayos ang bawat aplikasyon.

Isang tip na pwede mong umpisahan ay gumawa ng spreadsheet kung saan nakapaloob doon ang mga link o website na iyong pinag-apply-an.

May mga matitigas at malalambot tayong kakayahan na maaaring ipamalas sa pagtatrabaho.

Mayroon mga kompanyang nagtatanong sa kanilang mga aplikante kung paano siya magiging asset ng kanilang organisasyon, at mula rito, maaari mong ilahad ang mga kakaibang mong abilidad kagaya ng iyong galing sa pakikipagkomunikasyon, pagiging organisado, matalinong paggamit ng teknolohiya at iba pang AI tools sa trabaho.

Dagdag pa rito, maaari mong ipahayag ang pagkakaroon ng matibay na motibasyon, may mabuting pagpapasya, at tagalutas ng problema.

Aminin man natin o hindi, ang unang hakbang na ginagawa natin para makahanap ng trabaho ay magsaliksik sa mga bukas na plataporma, lalo na ng Google o kaya ay sumasali tayo sa mga group sa Facebook para ibenta ang ating resume at portpolyo, o kaya ay naghihintay ng paskil mula sa mga hiring manager at recruitment specialist dito para sumagot ng “I’m interested,” o “How to apply?” Kung minsan ay nagtatanong tayo sa ating mga kakilala at tinatanong sila kung may alam ba silang nag-aalok ng trabaho.

Maaaring epektibo naman ang mga ganitong pamamaraan, subalit, higit na maganda pa ring subukan na bumisita sa mga partikular na website kagaya ng Epicareer, LinkedIn, Indeed, OnlineJobs.ph, atpb. para humanap ng nais na trabaho.

Bukod pa rito, ang mga Pinoy bilang mahilig mag-scroll o gumamit ng social media, pwede nilang gamitin ito para gumawa ng propesyonal na account at isaayos ang sariling profile para mapansin ng mga kompanya.

Marami nang paraan ngayon para makagawa ng resume; maaari mong gamitin ang Enhance Resume mula sa Epicareer upang higit na mapabilis ang iyong paglikha nang walang binabayaran.

Sa ganitong hakbang, wala kang kahirap-hirap na makakabuo ng iyong resume dahil ito ay ginagamitan ng ATS model, makakabuo ng mga grupo ng salita, makakapag-ayos ng gramatika, naisasalin ang mga salita, at napapasimple.

Maliban sa pagpapaganda ng nilalaman ng iyong resume, kailangan mo ring pagsamahin at ayusin ang iba pang materyales ng iyong aplikasyon.

Nakabilang na rito ang iyong liham, portpolyo kung mayroon, grado, sertipiko ng pagtatapos o diploma, sertipiko ng trabaho, at ulat ng pagtatasa ng paggawa o performance evaluation report.

Ang paggawa ng sariling network o koneksyon ay pagkakataon upang makipag-ugnayan sa mga indibidwal na may kaparehong kasanayan, layunin, interes.

Ito ay mahalaga dahil maaari kang masuportahan, mabigyan ng payo, at iba pang impormasyon sa iba’t ibang kalakaran ng industriya.

Sundin lamang ang mga sumusunod na tip, at mas matulin kang makatatanggap ng mga notipikasyon sa iba’t ibang kompanyang iyong binisita. Huwag na huwag kakalimutang isumite ang iyong resume sa Epicareer para makuha ang tinatamasang posisyon sa trabaho.

Sa paghahanap ng trabaho, mahalagang maging matalino at organisado upang mas mapadali ang iyong proseso.

Ang mga tip na ito mula sa Epicareer ay makatutulong sa iyo na maging mas epektibong aplikante. Huwag kalimutang sundan ang mga ito at palaging paghandaan ang bawat hakbang.

Para sa mas marami pang tips at gabay sa paghahanap ng trabaho, bisitahin ang Career Guide by Epicareer Philippines. Mag-subscribe na para sa mga pinakabagong updates at payo na makakatulong sa iyong karera.

Popular jobs in Philippines:

Virtual Assistant | WFH Call Center | Remote Customer Service | Marketing Communication Specialist | Account Manager | Data Engineer | UI/UX Designer | Accountant | Software Engineer | App Developer | Mobile Developer | Project Coordinator | Technical Support