Mga Dapat Isaalang-alang sa Job Hopping

Nais mo bang mag-job hop? Huwag mag-desisyon ng basta-basta, alamin muna ang mga dapat pag-isipan bago lumipat.

Lovely Ann

Updated Aug 5, 2024

Noon, kapag nakikita natin ang isang empleyado sa isang kompanya at inaabot ng ilang taon sa pagtatrabaho, tayo ay humahanga dahil sa pagiging tapat at debosyong ibinibigay nito sa kanyang industriya. Pero sabi nga ng marami, ang lahat ay nagbabago pati na ang itinuturing na standard ng mga tao kaya naman sila ay nag-iiba o naghahanap pa ng ibang trabaho.

Ang job hopping ay isang uri ng gawain ng paglilipat ng isang indibidwal mula sa kanyang posisyon tungo sa iba pang trabaho. Ang tagal ay malawak na nag-iiba, ngunit ang isang job hopper ay karaniwang humahawak ng isang posisyon para sa isa hanggang dalawang taon bago lumipat sa susunod na tungkulin.

Ang positibong bahagi ng Job Hopping

Kung ikaw ay nangangamba at takot tumungo sa ibang tungkulin, maaari mong ikonsidera ang mga positibong bahagi ng job hopping:

Iba't ibang karanasan at kakayahan

Ang katunayan, darating talaga sa puntong magiging paulit-ulit na lamang ang iyong trabaho sa inyong operasyon. Makakaramdam ka ng pagka-inip at pagtinging hindi ka na muli pang lumalago sa iyong karera. Gayunpaman, sa job hopping, maaari kang makatamo ng iba pang karanasan at kakayahang di mo inaasahan.

Mas malawak na networking

Dulot ng job hopping, lalawak ang iyong network. Marami kang maririnig na karanasan, aral, payo, at iba pang hangaring nakuha ng mga taong nasa paligid mo. Ito ang makakapagbigay sa’yo ng inspirasyon na subukin ang iyong sarili sa ibang trabaho.

Mas Mataas na Sahod

Isa sa pangunahing rason kung bakit naghahanap ng ibang posisyon ang trabahador; ito ay dahil sa mas mataas na pasahod na kumpanya. Ito rin ang dahilan ng karamihan sa mga tao kung bakit sila ay palipat-lipat ng trabaho.

Palakihin ang iyong kakayahang umangkop

Dahil sa job hopping, may pag-asang lumago rin ang iyong malambot na kasanayan sa pakikisalamuha. Matutunan mo rin ang mabilis na pag-angkop sa kahit na sino mang tao sa iyong industriya at mula rito, magiging kaisa ka rin nila sa pagtanaw ng positibong kalikasan sa inyong trabaho.

Pagpapabago ng pananaw

Sa job hopping, kapaki-pakinabang ito upang higit na maging bukas ang iyong isipan sa mga posibilidad at potensyal na inihahain sa iyo ng iyong industriya at kapaligiran. Tinitingnan din nito ang kakayahan mong umangkop nang matulin, at maging katuwang sa progreso ng posisyong nais mo.

Ang negatibong bahagi ng Job Hopping

Sa kabila ng mga positibong pagtingin tungkol sa job hopping, hindi rin mawawala ang mga negatibong konotasyon dito:

Kaduda-dudang debosyon

Sa ganitong kondisyon, maaaring mag-iba ang impresyon sa iyo ng iyong manedyer dahil hindi ka tumatagal sa iyong trabaho. Maaaring maramdaman mo ito lalo kung hindi ka nila binubuksan ng oportunidad na magpalago ng iyong karera.

Kahirapan sa paghahanap ng trabaho

Kung ikaw ay kasalukuyang naghahanap, asahan mo na ang mabagal na pag-usad dahil hindi ka kaagad-agad makakahanap ng ibang patutunguhan. Maaari itong tumagal sa buwan o taunang paggalugad ng bagong trabaho.

Hindi pare-parehong karanasan

Sa job hopping, maaaring iba-iba rin ang trabaho o larawan ng iyong posisyon. Mula rito, hindi magiging pantay ang iyong karanasan, at maaari kang magkaroon ng saglit na pagkabigla sa kanilang kultura.

Pagod at kawalan ng katiyakan

Isa pang negatibong dulot ng job hopping ay ang walang katiyakang makahanap kaagad ng ibang posisyon o responsibilidad. Ito ang magiging sanhi upang ikaw ay mag-isip nang mag-isip at mawalan ng pag-asa.

Isaalang-alang ang mga bagay na ito bago mag-Job Hopping

Bago ka magoasyang magpalit o tumungo sa ibang trabaho, isaalang-alang muna ang mga sumusunod na mga bagay:

Mga pagkakataon para sa pagsulong

Kung hindi sapat ang benepisyong iyong natatamo sa iyong kasalukuyang trabaho, maaari mong ikonsidera ang mga pagkakataong naghihintay mula sa ibang organisasyon para sa iyong patuloy na pagsulong. Suriing mabuti kung ito ba ay magiging kapaki-pakinabang sa iyo sa matagal na panahon o higit na mas maganda ang iyong kasalukuyang trabaho.

Paglalapat ng iyong kakayahan

Bukod sa pagkakataong naghihintay, tasahin din ang kakayahang mayroon ka at kung ito ba ay aangkop sa trabahong iyong gustong pasukin. Iwasan ang biglaang pagpapasya lalo kung ikaw ay baguhan pa rin sa industriya ng pagtatrabaho.

Katuparan

Ang iyong trabaho ang tutulong sa iyo upang umahon sa buhay, kaya naman magsagawa ka rin ng ebalwasyon sa iyong sarili at kung hanggang saan ang hangganan ng iyong pisi upang magtagal sa isang trabaho. Analisahin mo rin kung ano ang higit na mahalaga, ang iyong tipikal na trabaho o kinahuhumalingang oportunidad.

Sabi nga ng marami, bago mo simulan ang isang bagay, huwag mo lamang itong isang beses na pag-isipan, gumawa ka ng alternatibo bago magpasya.

Popular jobs in Philippines:

Lovely Ann

SEO Content Writer

Lovely Ann has over 4 years of freelance writing experience and has received extensive training in writing journals, programs, and web-based content such as blogs, product reviews, and other pieces.

Topic tags

Career Development

Share this article