Epektibong Paghahanap ng Malayong Trabaho na Para sa Iyo

Walang madali sa paghahanap ng trabaho. Katunayan, marami na ang sumusubok na mag-apply sa onlayn, pero mayroon pa ring mga hindi pinapalad na makatagpo ng gusto nilang posisyon.

May ilang nagpapasa ng resume o curriculum vitae, nakakaabot sa inisyal at pinal na interbyu, bagamat hindi pa rin nagkakaroon ng tyansang matanggap ng kompanya. Nawawalan sila ng pag-asa dulot na walang pumapansin sa kanilang portpolyo at dahil na rin sa dami ng aplikanteng nakikipagsabayan upang maghanap.

Kung ito man ang iyong una o ikalawang pagsubok, narito ang mga dapat mong tandaan na hakbang para sa mas malaking porsyento na ikaw ay matanggap sa gusto mong kompanya:

Unang tandaang hindi lahat ng malayong trabaho ay pare-pareho. Kaya naman kinakailangan mong hanapin o suriin ang mga posisyong akma sa iyong potensyal:

Pag-isipan kung kailan mo gustong magtrabaho

Sa paghahanap ng trabaho, isaalang-alang na maaaring mabago ang pagkonsumo mo ng sariling oras.

Maaaring ikaw ay may karanasan na sa 7:30 AM - 4:30 PM, 8 AM - 5 PM, o 9 AM - 6 PM na oras ng trabaho, ngunit sa malayong trabaho, ito ay maaaring pumatak ng pang-umaga, tanghali, hapon, gabi, o madaling araw dipende sa kompanyang iyong gustong pasukan, lokal man o internasyonal.

Isaalang-alang kung gaano katatag ang iyong hinahanap

Maraming uri ang iyong aabangan sa malayong trabaho; ito ay full-time, part-time, freelancing, o kontrakwal.

Sa ganitong kondisyon, mahalagang tingnan mo ang bawat oportunidad at benepisyo na nakapaloob sa mga ito bago tuluyang pasukin ang posisyon. Kung nais mo ng matatag at pangmatagalan, maiging sumubok maghanap ng full-time.

Obserbahan ang kulturang nakasanayan

Parati mong isaalang-alang ang kultura ng isang kompanya kung nais mong siguruhin na makakasundo mo ang mga manggagawa sa loob nito.

May kompanya may isan daang porsyento na nagtatrabaho lamang sa loob ng bahay, ang iba’y bumibisita sa opisina, ang ibang manedyer naman ay nag-uutos na magkaroon ng video call habang nagtatrabaho, at ang iba’y hindi.

Sa paghahanap ng trabaho, kailangan mong maunawaang hindi lahat ng taong bahagi nito ay iyong makakasundo dahil kayo ay may iba’t ibang personalidad, pinanggalingan, at mga karanasan.

Kaya naman upang higit na maging epektibo, sumali ka sa mga komunidad na makatutulong sa iyong makakuha ng trabahong kagaya ng sa kanila. Sila rin ang magbibigay sa’yo ng mga payo at paalala sa mga dapat at hindi mo dapat na gawing hakbang.

Marami na ang lumalagong website na pwede mong bisitahin habang ikaw ay naghahanap ng trabaho. Karamihan dito ay nagpapadala pa ng mga impormasyon, notipikasyon, at ads na magrerekomenda na bagay o akma sa iyo ang bagong trabahong dumating sa kanilang website.

Ilan sa mga website para sa malayong trabaho ay ang mga sumusunod:

1. LinkedIn

2. Epicareer

3. Indeed

4. JobStreet.com

5. Monster

6. Pinoyjobs

7. Jora

8. Outsourcely

9. We Work Remotely

10. Fiverr

Karaniwan sa mga kompanya, madalas nilang isinasaalang-alang ang resume at liham ng aplikante upang masuri kung ito ba ang kanilang hinahanap para sa trabaho.

Ngunit, kinakailangan mong maglabas pa ng mas malawak na pagsisikap at gumawa ng sariling online brand.

Upang masagawa ito:

• I-update ang iyong social media profiles
• Ayusin ang iyong LinkedIn Profile at kasaysayan ng karera at maglagay ng mga keyword
• Magbahagi ng mga artikulo, o mga napagtagumpayan
• Gumawa ng website upang mabahagi ang iyong istorya, ipakita ang iyong mga kasanayan, tagumpay, o ilabas ang iyong portpolyo

Isa sa mga bagay na kailangan mong subukan ay lumabas sa iyong komportableng pwesto at makipag-ugnayan sa iba’t ibang indibidwal upang makahanap ng trabaho.

Dito nag-uumpisa ang karamihan, at kung man ay palaring makatagpo ng isang miyembro ng kompanya, maaari nito makita ang iyong ina-apply na posisyon at ikaw ay mairekomenda.

Sa panahon ngayon, mahirap na ang makakuha kaagad ng trabaho, at ang iba ay tila nagiging praktikal na upang matustusan at masuportahan lamang ang sarili pati na ang pamilya.

Subalit, mahalaga ring nakikita mo ang iyong halaga at kagalingan upang hindi mapunta sa wala ang iyong mga pinaghirapan noong umpisa.

Maiging manaliksik ng latest na sahod sa onlayn, upang mataya kung tama ba ang sweldo na nais mong isambit sa kompanya.

Ang pagsasaayos ng iyong pananaliksik sa trabaho, isang rekomendasyon na lumikha ka ng sheet upang malista roon ang trabaho, website, at lagyan ito ng legend, kung ito ba ay iyo mo nang na-apply-an, nakita na ng tagapamahala, o ikaw ay hindi nakapasa.

Dagdag nito, pwede mo ring ilagay ang mga link na iyong itinabi upang bisitahin at ipagpatuloy ang iyong aplikasyon.

Kung ikaw ay nag-a-apply, hindi nagtatapos sa pagsusumite ng resume o curriculum vitae, at liham ang iyong aplikasyon.

Kung dumaan ito ng isa o dalawang linggo, at walang pang sagot mula sa kompanyang iyong pinagpasahan, ugaliing magpadala ng follow-up sa kanila upang ay kanila ring makilala at matandaan.

Ang punto nito, kung ikaw ay nag-a-apply para sa malayong trabaho, paalala ng Epicareer na kailangan mong maintindihang hindi lamang ikaw ang aplikanteng gusto makakamit ng inaasam mong posisyon, kaya ikaw ay kinakailangang lumikha ng isang hakbang upang mangibabaw ang iyong aplikasyon.

Popular jobs in Philippines:

Virtual Assistant | WFH Call Center | Remote Customer Service | Marketing Communication Specialist | Account Manager | Data Engineer | UI/UX Designer | Accountant | Software Engineer | App Developer | Mobile Developer | Project Coordinator | Technical Support